Fylkkasátnejođiheaddji Kristina Torbergsen (Bb) Victor Omma/Troms fylkeskommune.

Les på norsk 

Raporttas čujuha Duohtavuođa- ja seanadankommišuvdna ahte "Almmolaš ásahusat buot servodatsurggiin ja buot hálddašandásiin berrejit árvvoštallat movt sii sáhttet váikkuhit seanadeami (...) ".

– Mii váldit iežamet ovddasvástádusa duohtan, ja dát ođđa ortnet lea unna oasáš stuorát barggus maid mii fylkkasuohkanin dahkat Duohtavuođa- ja seanadankommišuvnna raportta čuovvoleamis, čilge fylkkasátnejođiheaddji Kristina Torbergsen (Bb).

Ohcalit ruđaid 

Jahkái 2024 lea várrejuvvon 300 000,– ođđa ortnegii, maid guhká Romssa sámi birrasat leat ohcalan.

Sihke ásahusat, organisašuvnnat, searvvit, ovttaskas joavkkut ja priváhta olbmot sáhttet ohcat ruđaid dán ortnegis.

Fylkkasátnejođiheaddji Kristina Torbergsen (Bb) sávvá ollu ohcamiid ovdal áigemeari cuoŋománu 1. beaivvi.

– Min ulbmil dáinna doarjjaortnegiin lea earret eará nannet máhtu sámi dilálašvuođaid birra, ja ovddidit sámi dáidaga, kultuvrra ja giela, erenoamážit mánáid ja nuoraid gaskkas. Mun duođaid doaivvun ahte mii sáhttit leat mielde duohtandahkamin ollu buriid prošeavttaid boahtteáiggis.

Ovdalaččas lea Romssa fylkkasuohkan addán doarjaga kvena gillii ja kvena ja dárosuopmelaš kultuvrii.