Plaid Cymru Arfon Sefyll dros pobl Arfon

Mae Plaid Cymru Etholaeth Arfon, Hywel Williams Aelod Seneddol a Siân Gwenllian Aelod Cynulliad am benodi:

Trefnydd / Swyddog Cyswllt Cymunedol (llawn amser)

Cyflog: rhwng £21,000 a £23,000

Swydd ddisgrifiad a manylion sut i wneud cais isod.

Teitl y swydd: Trefnydd Etholaeth Arfon a Swyddog Cyswllt Cymunedol

Prif leoliad: Caernarfon a Bangor

Atebol i: Cadeirydd Pwyllgor Etholaeth Arfon, Sian Gwenllian AC a Hywel Williams AS.

Cyflog: £21,000 - £23,000 y flwyddyn (llawn amser)

Caiff y swydd ei rhannu rhwng gwaith Trefnydd Etholaeth (3 diwrnod) a gwaith Swyddog Cyswllt Cymunedol i Siân Gwenllïan AC a Hywel Williams AS (2 ddiwrnod)  

Swyddog Cyswllt Cymunedol (2 ddiwrnod)

Mae cyfrifoldebau penodol yn cynnwys:

• Sicrhau bod yr Aelod Cynulliad a’r Aelod Seneddol yn cael gwahoddiadau rheolaidd i gyfarfod a sgwrsio ag aelodau o grwpiau/cymdeithasau
• Cynorthwyo gyda'r gwaith o baratoi a threfnu ymgyrchoedd penodol
• Ymchwilio i faterion a godwyd mewn gohebiaeth etholaethol a dilyn achosion o’r fath, gan sicrhau eu bod yn cael eu datrys mewn pryd
• Mynd i gyfarfodydd a/neu ddigwyddiadau gyda’r Aelod Cynulliad a’r Aelod Seneddol
• Dyletswyddau gweinyddol cyffredinol yn ôl y gofyn

Trefnydd Etholaeth Arfon (3 diwrnod)

Mae Plaid Cymru Arfon yn awyddus i recriwtio unigolyn brwdfrydig a threfnus iawn i gydlynu gwaith ymgyrchu’r blaid yn yr etholaeth. Bydd yr ymgeisydd yn gallu arwain, ysgogi a threfnu ystod eang o wirfoddolwyr lleol ac ymgyrchwyr; cysylltu â grwpiau lleol a sefydliadau; ac mi fydd yn gallu cyfathrebu'n effeithiol ac yn gryno ar lafar ac yn ysgrifenedig.  Yn ogystal mae angen dealltwriaeth o Blaid Cymru a’i pholisïau ynghyd a gwybodaeth o dechnegau ymgyrchu cyfoes.  

Mae cyfrifoldebau penodol yn cynnwys:

• Arwain a chydlynu ymgyrchoedd etholiadol yn Arfon ar lefel Cynulliad, Seneddol, Ewrop, Cyngor Sir a Cymuned/Tref.
• Hyrwyddo achos Plaid Cymru yn yr etholaeth, gan fynychu cyfarfodydd misol y Pwyllgor Etholaeth a darparu adroddiadau fel sy'n briodol.
• Cynorthwyo i ddatblygu canghennau, sefydlu canghennau newydd, atgyfodi rhai eraill ac ail strwythuro canghennau pe bai angen.
• Sicrhau bod canghennau yn casglu taliadau aelodaeth bob blwyddyn a bod y rhestrau yn gyfredol.
• Trefnu gweithgarwch ymgyrchu ac adnabod etholwyr (dros y ffôn a drws i ddrws) a bod yn gyfrifol am gofnodi’r canlyniadau ar fas data cyfrifiadurol.
• Rhedeg ymgyrchoedd lleol ac ar draws yr etholaeth
• Bod yn gyfrifol am sicrhau cofrestru pleidleiswyr a phleidleisiau drwy'r post
• Gweithredu cynllun cyfathrebu digidol ar gyfer etholaethau ac ymgyrchoedd drwy’r cyfryngau cymdeithasol gan gynnwys Facebook, trydar a gwefan
• Cynorthwyo canghennau i drefnu digwyddiadau a gweithgareddau codi arian lleol
• Sicrhau cyfathrebu effeithiol gydag aelodau a chefnogwyr
• Ysgrifennydd Pwyllgor Etholaeth - cadw cofnodion, delio a gohebiaeth a threfnu’r cyfarfodydd.
• Bod yn gyfrifol am y ddwy swyddfa etholaeth, gan gynnwys trefnu unrhyw waith cynnal a chadw sydd ei angen.
• Cyfrifol am rai agweddau o weinyddiaeth ariannol yr etholaeth drwy gynorthwyo’r Trysorydd yn ôl yr angen.

Sgiliau sydd eu hangen:

• Y gallu i weithio ar eich liwt eich hun, o fewn tîm ac yn rhagweithiol
• Profiad mewn defnyddio TG, yn enwedig rhaglenni Microsoft Office yn ogystal â'r gallu i ddysgu defnyddio technoleg newydd a chyfryngau cymdeithasol  Sgiliau cyfathrebu da yn llafar ac yn ysgrifenedig.
• Sgiliau trefnu cryf
• Dealltwriaeth dda o beth mae'n ei olygu i weithio fel rhan o dîm mewn amgylchedd gwleidyddol
• Y gallu i weithio gyda gwirfoddolwyr a sefydliadau allanol
• Mae’r gallu i siarad ac ysgrifennu yn gywir yn y Gymraeg a’r Saesneg yn hanfodol
• Trwydded yrru a mynediad i gerbyd
• Parodrwydd i ddysgu sut i redeg ymgyrchoedd etholiadol yn effeithiol

Profiad sydd ei angen:

• Profiad perthnasol o weithio o dan bwysau ac i derfynau amser tynn
• Profiad o fod yn effeithiol wrth reoli amser

Gwybodaeth Ychwanegol

Disgwylir i’r ymgeisydd llwyddiannus weithio tu allan i oriau swyddfa arferol gan gynnwys gyda’r nosau a phenwythnosau, yn enwedig ar gyfnodau o ymgyrchu dwys megis cyfnod etholiad.

Ceisiadau drwy ffurflen gais ar gael gan [email protected], 01286 672076

Dyddiad cau: Dydd Iau, 22 Awst am hanner dydd. Cyfweliadau dydd Mawrth, 27 Awst 2019.

Mae’r gallu i gyfathrebu yn llafar ac ysgrifenedig yn y Gymraeg yn hanfodol

Ymholiadau a manylion pellach:

Richard Thomas; [email protected]

01286 672076

(This is an advertisement for a Full Time Organiser / Community Liaison Officer to work for Plaid Cymru Arfon Constituency, Hywel Williams MP and Siân Gwenllian AM. Complete fluency in oral and written Welsh is essential).