Alþingi samþykkti í júní 2022 breytingar á lögum um lífeyrissjóði og fleiri lögum sem fela í sér talsverðar breytingar fyrir sjóðfélaga.

  • Lágmarksiðgjald í lífeyrissjóð hækkar úr 12% af launum í 15,5%.
  • Lífeyrissjóðir hafa heimild til að bjóða sjóðfélögum að ráðstafa allt að 3,5% af launum til svokallaðar tilgreindrar séreignar með þrengri útborgunarheimildir en hefðbundinn séreignarsparnaður.
  • Séreign af lágmarki verður ekki lengur undanþegin skerðingum almannatrygginga eða þátttöku í dvalarkostnaði á stofnun fyrir aldraða og fleira.
  • Einstaklingar geta ráðstafað tilgreindri séreign skattfrjálst til kaupa á fyrstu fasteign að uppfylltum ákveðnum skilyrðum. Sjóðfélagar sem ekki hafa verið eigendur að íbúðarhúsnæði síðastliðin fimm ár geta talist fyrstu kaupendur og nýtt heimildir laganna.
  • Lögin taka gildi 1. janúar 2023.

Þeim sem vilja lesa nánar um breytingarnar er bent á stjórnarfrumvarp á vefsíðu Alþingis, sjá hér. Fyrir neðan er að finna spurningar og svör um áhrif lagabreytinganna fyrir sjóðfélaga.

Tryggingastofnun ríkins hefur einnig birt upplýsingasíðu með spurningum og svörum sem hægt er að skoða hér.

Almenni lífeyrissjóðurinn hélt upplýsingafund um lagabreytinguna og áhrif þeirra þann 29. september þar sem ýmsar gagnlegar upplýsingar komu fram. Hér fyrir neðan má sjá upptöku frá fundinum.

Skráðu þig á póstlistann

Fáðu fréttir um lífeyrismál, viðburði og starfsemi sjóðsins.