Mae gwasanaeth Pàs COVID y GIG bellach wedi cau.
Nid oes nawr unrhyw ofynion domestig i ddangos eich statws brechu.
Nid oes angen Pàs COVID y GIG mwyach i deithio dramor i unrhyw wledydd.
Os byddwch yn teithio dramor dylech edrych i weld a oes unrhyw ofynion mewn grym i gael mynd i mewn i’r gwledydd y byddwch yn ymweld â nhw neu’n teithio drwyddynt.
Cafodd Pàs COVID y GIG ei ddatblygu yng nghanol y pandemig i’ch galluogi i rannu’ch statws brechu COVID-19 mewn ffordd ddiogel. Roedd yn cael ei ddefnyddio’n bennaf ar gyfer teithio rhyngwladol, yn ogystal â rhai dibenion domestig, megis mynd i leoliadau neu ddigwyddiadau.