Sápmelaččat girkus -fidnu ovdána – barggu vuolde antologiija sápmelaččaid ja girku gaskavuođa birra

Suoma evangelalaš-luteralaš girkus lea jođus guokte jagi guhkkosaš fidnu, man guhkes áigegaskka mihttomearrin lea burgit vejolaš gealdagiid sápmelaččaid ja girku gaskkas. 

Sämmiliih kirhoost – Säʹmmla ceerkvest – Sápmelaččat girkus -fidnu lea sápmelaččaid ja girku gaskasaš duohtavuođa- ja soabadanproseassa oassi ja dan lea organiseren Suoma evangelalaš-luteralaš girku bismmáidčoahkkin.  

Seammá áigge fidnuin doaibmi stáhta ja sápmelaččaid gaskasaš duohtavuohta- ja soabadankommišuvnna lea lágidan oktasaš čoahkkimiid čakčat 2023 ja álgojagi 2024. Dát ovttasbargu lea dehálaš oassi viidásut viggamušas čielggadit sápmelaččaide ja girkui laktáseaddji historjjálaš dáhpáhusaid sihke daid váikkuhusaid otná beaivái. 

Sápmelaččat girkus -fidnu gaskaraporta lea geargan ja dat gieđahallui bismmáidčoahkkimis maŋŋebárgga 12.3.2024. 

“Jagi 2023 álggahuvvon bargu lea ovdánan plána mielde ja ožžon viidát doarjaga sihke sápmelaččaid ruovttuguovllus ja gávpotbirrasiin. Fidnu čavddis ovttasbargu bismágottiiguin, searvegottiiguin ja iešguđetge organisašuvnnaiguin lea leamaš mearkkašahtti rollas dan lihkostuvvamis”, muitala gaskaraportta dahkan prošeaktakoordináhtor Mari Valjakka.  

Šaddamin máŋggabealagis girjjálaš duodji 

Okta fidnu dehálamos osiin lea buvttadit girjjálaš duoji, antologiija, man doaimmahusgoddi álggahii barggus čakčat 2023. Antologiija čohkke oktii iešguđetlágan teavsttaid, nu mo artihkkaliid, divttaid, noveallaid ja esseaid. Ovttastahtti dahkkin lea sápmelaččaid, vuoiŋŋalašvuođa ja girku tematihkka. 

Antologiija viggá fállat dorvvolat saji gieđahallat sápmelaččaid ja girku gaskasaš gaskavuođa sihke lasihit áddejumi sápmelašvuođa birra nu báikkálaččat searvegottiin go viidásappotge olles girkus. Antologiija ruhtada Girkoráđđehus. 

Siellodikšuma geahččanguovllu ja pástorálálaš barganvuogi bokte Sápmelaččat girkus -fidnu veahkeha gieđahallat nođiid, maid sápmelaččat guddet sohkabuolvvaid badjel nu álbmogin go oktagassan. 

“Fidnu mihttomearrin lea čielggadit dárkilappot, mii sápmelaččaid ja girku gaskasaš gaskavuođain sihke makkár váikkuhusat ja čuovvumušat dáid dáhpáhusain lea leamaš ja ain lea sápmelaččaide. Antologiija lea okta vuohki dahkat dán dieđu oinnolažžan”, Mari Valjakka muitala.  

Dárbbašit konkrehtalaš doaimmaid 

Vaikko Sápmelaččat girkus -fidnu lea ožžon girkus oinnolašvuođa ja positiivvalaš fuomášumi sierra sektorain, Mari Valjakka mielde bargu lea easkka álggus.  

“Bargu lea ain olu bargan láhkái, vai ságastallan fidnu temáid birra čiŋošii olles girku dásis. Boahtteáiggis lea dehálaš hámuhit joatkkalávkkiid, mat oidnošedje konkrehtalaččat sihke olles girku ja guvllolaš searvegottiid dásis”, Valjakka lohká.  

Liŋkkat:  

Sápmelaččat girkus –fidnoplána (suomagillii)

Gaskaraporta  (suomagillii)

Lassedieđut:  

prošeaktakoordináhtor Mari Valjakka, Bismmáidčoahkkima kansliija mari.valjakka@evl.fi  040 183 3460 

bismmáidčoahkkima váldočálli Kari Kopperi, Bismmáidčoahkkima kansliija kari.kopperi@evl.fi 050 594 1317 

Liitteet:
sa-ca-b9mmla-ceerkvest-ha-ca-b9nkkos-ouddan.pdf
saamelaiset-kirkossa-hanke-etenee-1.pdf
sammiliih-kirhoost-haaha-ovdan.pdf